As mulleres cobran 4.600 euros ao ano menos que os homes

Un estudo de UXT revela que o salario dunha dona en Galicia supón o 74,2% do dun varón ·· A ocupación feminina é maioritaria dentro do sector servizos, onde a súa actividade concentra o 60% do total

E.P. . SANTIAGO

En Galicia, o salario dunha muller supón o 74,2% do dun home, segundo os datos de 2007 -uns 4.600 euros menos ao ano-, mentres que durante ese ano se creou máis emprego para os homes, o 59%, que para as mulleres, o 41%, polo que se rompeu a tendencia de 2006, cando o 84,2% dos postos de traballo xerados beneficiou ás donas.

Así o expuxo onte en Santiago a secretaria de Igualdade de UXT-Galicia, Carmen Brea, quen advertiu de que a pesar de que se están dando pasos para conseguir a igualdade entre sexos, aínda persisten "diferenzas" entre "os dereitos formais e as prácticas reais". Por iso, Carmen Brea considera que o avance que se está producindo na incorporación da muller ao mundo laboral se debe consolidar na próxima lexislatura con políticas especialmente dirixidas a conseguir a igualdade real das mulleres.

Leer más